9 suspek sa vice mayor slay kinasuhan na
MANILA, Philippines - Sinampahan na kahapon ng kasong murder sa Department of Justice ang siyam na suspek sa pagpatay kay Mambusao, Capiz Vice Mayor Abel Martinez noong Mayo 4, 2012.
Sa ulat ni P/Chief Supt. Cipriano Querol Jr. na nakarating sa Camp Crame ang kaso ay isinampa nina Capiz Provincial Police Office Director at Special Investigating Task Group Chief P/Senior Supt. Domingo Cabillan sa tanggapan ni Justice Secretary Leila de Lima.
Kabilang sa mga kinasuhang suspek ay sina Geger Francisco ng Barangay Maliao; Sunday Danid, anim na John Does at isang Peter Doe na sinasabing mastermind sa krimen.
Sa tala ng pulisya, si Vice Mayor Martinez, 79, pinagbabaril at napatay sa harapan ng tahanan sa Barangay Poblacion noong Biyernes ng umaga (Mayo 4).
Sa kasalukuyan, ayon pa sa opisyal ay apat na witness na ang hawak ng SITG Martinez laban sa mga suspek.
- Latest
- Trending
