NBI agent bulagta sa ambush
MANILA, Philippines - Napaslang ang 43-anyos na agent ng National Bureau of Investigation (NBI) makaraang tambangan ng tatlong di-kilalang kalalakihan na lulan ng motorsiklo sa bahagi ng Barangay Mayamot sa Antipolo City, Rizal kamakalawa ng hapon.
Napuruhan sa leeg, mukha at idineklarang patay sa Antipolo Medical Center si Atty. Leandro Yanguas y Taborda, 43, NBI agent ng V.V. Soliven Ave sa Barangay Mayamot, Antipolo City, Rizal.
Sa ulat ni PO3 Ginnie San Antonio ng Antipolo PNP, naganap ang pananambang dakong alas-3 ng hapon habang nagmamaneho ang biktima ng kanyang Toyota Fortuner (ZPE-530) may ilang metro lamang ang layo sa sariling bahay.
Nabatid na patungo sana sa pinakamalapit na fastfood chain ang biktima para magmeryenda kasama ang babaeng na nakilalang si Mariel Almario, 26.
Dito na sinalubong at niratrat ng tatlong kalalakihan na lulan ng motorsiklo ang biktima habang hindi naman idinamay ang kasama nitong babae.
- Latest
- Trending
