Bata natusta sa kidlat

MANILA, Philippines - Natusta ang katawan ng 9-anyos na batang babae habang sugatan naman ang apat nat iba pa kabilang ang ina at dalawa nitong kapatid makaraang tamaan ng kidlat sa Barangay San Jose, General Santos City kamakalawa. Kinilala ang nasawi na si Marimar Panes habang sugatan naman si Maritess Panes,mga anak nitong sina Delmar at Demetrio Panes Jr., gayundin ang tiyahing si Julieta Mama. Lumilitaw na abala ang mag-iina sa pagtatanim ng palay sa bukirin bandang alas-10 ng umaga ng biglang umulan kaya sumilong sa kubo ang mga biktima. Gayon pa man, matalim na kidlat ang tumama sa batang babae habang sugatan naman ang pamilya nito at tiyahin.