Mister ginilitan, salvage victim natagpuan

CAVITE, Philippines  - Hindi na umabot pa ng buhay sa Dra. Salamanca Hospital ang 31-anyos na mister matapos itong gilitan ng hindi nakilalang lalaki sa loob ng Resto Bar sa P. Burgos Avenue, Caridad, Cavite City, Cavite kahapon ng madaling-araw. Kinilala ng pulisya ang biktima na si Gary Bacay ng R. Santos Street ng nasabing lugar.Tumakas ang killer lulan ng motorsiklong may plakang WL-3221. Samantala, natagpuan naman ng pulisya ang bangkay ng di-kilalang lalaki na sinasabing biktima ng summary execution sa liblib na bahagi ng Barangay Navarro sa bayan ng Bacoor, Cavite. Ayon kay PO2 Brendo Llanda, ang biktima na may edad 35 hanggang 45 na naka-short pants at itim na sando ay binaril sa ulo saka inabandona sa nasabing barangay. Cristina Timbang