Stude tumalon sa bangka, dedo
CATANAUAN,QUEZON, Philippines – Nauwi sa trahedya ang masayang outing ng magkakaibigan matapos na mamatay ang isang 14 anyos na batang lalaki nang tumalon sa malalim na bahagi ng karagatang sakop ng Barangay Madulao, kamakalawa ng hapon.
Kinilala ng pulisya ang biktima na si Michael Angelo Ballesteros, 1st year high school at residente ng Brgy. 8 Poblacion ng bayang ito.
Ayon kay PO2 Jonjon Pordan, dakong alas-2 ng hapon ay nagkayayaan ang biktima at kanyang mga kaibigan na mag-outing bilang selebrasyon sa pagtatapos ng kanilang klase.
Humiram umano ang mga ito ng bangka at nagtungo sa dagat na may lalim na 6 na talampakan pero dahil hindi marunong lumangoy ang biktima ay nalunod.
Narekober naman ang bangkay ng biktima bandang alas-7:30 ng gabi.
- Latest
- Trending
