1 patay, 8 sugatan sa road mishap

OLONGAPO CITY ,Philippines  – Maagang sinalubong ni kamatayan ang 30-anyos na pahinante habang walong iba pa ang nasugatan matapos masalpok ng trak ang dalawang sasakyan sa kahabaan ng Old Cabalan Road sa Olongapo City kahapon ng umaga. Nakilala ang nasawi na si Joel De Guia ng Hagonoy, Bulacan habang sugatan naman sina Nicolas Facundo, 39; Maritess Facundo, 38; Nixon Facundo, 8; Mary Joy Facundo, 1; Eugenio Aguilar, 54; Richard Aguilar, 32; Christopher Pepito, 23. Ayon kay Bernard Bebanco ng Barangay Old Cabalan Rescue Team, naganap ang sakuna bandang alas-9 ng kung saan sinalpok ng trak (CMK769) ni Aguilar ang traysikel (SM2135) ng pamilya Facundo at owner-type jeep (CNL 651). Sa pahayag ng driver na si Aguilar, nawalan ng preno ang truck kung saan tinangka nitong umiwas subalit nahagip naman ang dalawang sasakyan bago sumalpok sa waiting shed at tuluyang bumaliktad.