CAMP SIMEON OLA , Legazpi City, Philippines – Dahilan sa matinding problema ng pamilya, isang graduating na estudyante ang nagpakamatay matapos na magbigti sa loob ng isang bahay kubo sa Brgy. Dalupaon, Pasacao, Camarines Sur kamakalawa.
Ang biktima ay nakilalang si Jaymar Sibulo,16, binata, 4th year high school at isang graduating na estudyante na residente ng naturang lugar.
Batay sa ulat ng pulisya, bandang alas-6:30 ng umaga nang madiskubre ang bangkay ng biktima na nakabitin sa bahay kubo sa loob ng compound ng naturang lugar.
Nabatid na bago ang insidente ay ilang araw ng tulala at halos hindi makausap ang biktima dahilan sa problema ng kaniyang pamilya na siyang motibo ng pagpapatiwakal nito.