5-anyos utas sa pamamaril

PIKIT, North Cotabato  ,Philippines – Napaaga ang kamatayan ng 5-anyos na totoy matapos tamaan ng ligaw na bala sa naganap na pamamaril ng mga ‘di-kilalang kalalakihan sa Barangay Batulawan sa bayan ng Pikit, North Cotabato, kamakalawa ng gabi. Kinilala ng pulisya ang nasawi na si Amin Abdulla Sangcupan habang sugatan naman ang ama nito na si Malaydan Sangkupan, 42. Naisugod sa Cruzado Medical Hospital ang mag-ama kung saan nasawi ang bata. Ayon sa police report, niratrat ng grupo ng kalalakihan ang bahay ng mag-ama.