3 tiklo sa nakaw na 200 kilong copper

CAVITE, Philippines - Tatlong kawani ng trucking company ang na­dakma matapos maaktuhang nagnanakaw ng 200 kilong copper sa bayan ng Carmona, Cavite kamakalawa ng hapon. Kinilala ang mga suspek na  sina Rolly Egloso ng Ignacio Street, Panghulo, Malabon; Jiovanie Dela Rosa ng Cuerpo St., Dalandan; at si Roger Mabitad ng Orocha St., Karuhatan, Valenzuela City at mga kawani ng 21st Trucking Company sa Valenzuela City. Sinalisihan ng tatlo ang pagdeliber ng copper sa kanilang bodega saka isinakay sa kanilang truck. Natuklasan ng bisor na si Gerry Bermarte ang nawawalang 200 kilong copper kaya sinipat ang close circuit television camera kung saan ang tatlong suspek ang tumangay.