Gunman ng brodkaster kinasuhan na
MANILA, Philippines - Sinampahan na kahapon ng kasong murder ng PNP-Criminal Investigation and Detection Group ang akusado sa pagpatay sa isang brodkaster ng pahayagang Tabloid sa General Santos City noong nakalipas na buwan.
Ayon kay PNP-CIDG Chief P/Director Samuel Pagdilao Jr., isinampa na ang asunto sa sala ni General Santos City Prosecutor II Rebecca Dardo-Seredrica laban sa suspek na si Marvin Palabrica.
Si Palabrica na kasalukuyang nakakulong ay pangunahing suspek na itinuturong nakapatay kay Christopher Guarin, publisher ng Tatak Bigtime News, at ng RMN na nasa General Santos City.
Sa police report, lumilitaw na si Guarin ay pinagbabaril sa harapan ng misis nitong si Lyn at batang anak na babae sa nasabing lungsod noong Enero 5, 2012.
Sa kasalukuyan ay tinutumbok ng imbestigayon ng mga tauhan ni P/Senior Supt. Albert Ignatius Ferro ang tunay na motibo sa pamamaslang.
- Latest
- Trending
