Binata inutas sa lamay ng kaibigan
QUEZON, Philippines - Hahabol sa libing ng kanyang pinaglalamayang kaibigan ang isang 24-anyos na binata matapos na ito ay pagbabarilin hanggang sa mamatay ng hindi kilalang lalaki kamakalawa ng madaling araw sa Barangay Masin Sur sa bayan ng Candelaria, Quezon. Ayon kay PO2 Dennis Vito, lumilitaw na nakikipaglamay ang biktimang si Ronnie Macasinag sa namayapang kaibigang si Niel Archival nang lapitan at ratratin. Nagpulasan ang ibang nakikipaglamay kung saan sinamantala ng gunman ang kaguluhan saka tumakas habang patuloy naman ang imbestigasyon.
- Latest
- Trending




















