Onsehan: drug user itinumba
QUEZON, Philippines – Maagang sinalubong ni kamatayan ang isang 21-anyos na lalaki matapos pagbabarilin ng motorcycle-riding gunmen sa kahabaan ng Maharlika Highway sa Barangay Masin Norte, Candelaria, Quezon kamakalawa ng gabi.
Napuruhan sa likurang bahagi ng katawan si Niel Sorela ng nabanggit na barangay.
Ayon kay SPO3 Menardo del Mundo, dakong alas-6:00 ng gabi ay namamasada ng traysikel ang biktima nang umalingawngaw ang sunud-sunod na putok ng baril.
Duguang bumulagta ang biktima matapos mapuruhan sa katawan habang tumakas naman ang gunmen patungo sa direksyon ng Tiaong, Quezon.
Ayon sa police report, wala namang nakakaalitan ang biktima subalit gumagamit ng bawal na droga.
Sinisilip ng mga imbestigador ng pulisya ang anggulong onsehan sa bawal na droga ang isa sa motibo ng pamamaslang.
- Latest
- Trending
