2 bangkay ng bagets natagpuan na

RIZAL, Philippines — Dalawang bangkay ng tinedyer ang natagpuan na kahapon na unang iniulat na nawawala matapos na maligo San Mateo River.

Ayon kay Teddy Apiladas, hepe ng Municipal Di­saster Risk Reduction and Management Office ng San Mateo, Rizal, dakong alas-6 ng umaga nang matagpuan ang bangkay ni Ernesto Pereño,13, sa ilog malapit sa resettlement area sa Ba­rangay Nangka, Marikina City.

Lumutang naman ang bangkay ni Mark Christopher, 16, may 100-metro mula sa lugar kung saan sila nalunod sa San Mateo River sa Ba­rangay Dulong Bayan 1.

Base sa ulat ng pulisya, nagkayayaang maligo sa ilog ang magkakaibigan na taga-Litex Road, Quezon City matapos makipaglamay sa namayapang kaibigan.

Sinasabing pinulikat si John Jalani, 14, habang nali­ligo sa nasabing ilog kaya tinulungan nina Mark Chris­topher at Pereno su­balit tina­ngay din ng agos.

Kamakalawa ay natagpuan ang bangkay ni Jalani subalit nahirapan ang search and rescue team na makita ka­agad sina Mark Christopher at Pereno dahil sa lakas ng agos.