Rookie cop utas sa drug bust

Cavite, Philippines — Nagbuwis ng buhay ang isang bagitong pulis matapos itong pagbabarilin habang nagsasagawa ng surveillance operation laban sa illegal drugs sa bayan Brgy. Niog, Bacoor ng lalawigang ito kamakalawa ng gabi. Sa ulat na nakalap mula sa tanggapan ni Cavite Provincial Director Police Sr. Supt. John Bulalacao, kinilala ang nasawi na si PO1 Pedro Enriquez, nasa hustong gulang at 3 linggo pa lamang nakatalaga sa Bacoor Police Station. Ayon kay PO3 Romar Sinnung, may hawak ng kaso dakong alas-8:45 ng gabi ng may tumawag sa himpilan ng pulisya na may nagaganap na bentahan ng shabu sa Pogi St., sa nasabing lugar kaya mabilis na nagresponde ang biktima. Kinompronta umano ni Enriquez ang mga suspek na nakilalang sina alyas Jekjek at Paa hanggang sa biglang agawin ng huli ang baril ng parak at iputok dito na siya nitong ikinasawi.