2 dedo sa pananaga

KIDAPAWAN CITY, Philippines – Dalawa-katao ang iniulat na napaslang sa pananaga sa magkahiwalay na karahasang naganap sa dalawang bayan sa lalawigan ng North Cotabato kahapon. Ayon kay P/Chief Insp. Jordine Maribojo, hepe ng Carmen PNP, lumilitaw na natutulog si Boy Tuginggi, 40, sa loob ng kanilang ba­hay na katabi ng kanyang misis nang tagain sa leeg. Wala namang nakagalit ang biktima sa kanilang lugar sa Barangay Ugalinga sa bayan ng Carmen. Samantala, pinagtataga rin hanggang sa mapatay ang barangay tanod na si Emerito Opelena, 50, matapos ang mainitang pagtatalo sa inuman sa isang tindahan sa Barangay San Vicente sa bayan ng Makilala.Tugis naman ng pulisya ang suspek na si Melandro Aplicador, 40, ng Cataluna Piqueno, Davao City. Sa ulat ni SPO2 Norberto Calayca, unang bumunot ng itak ang biktimang si Opelena pero naagaw ng suspek at pinagtataga ang kaibigan sa inuman.