Pulis, isinangkot sa drug trade

MANILA, Philippines - Tinutugis ngayon ng pulisya ang isa nilang kabaro matapos isangkot ng dalawang drug pusher na naaresto ng kasamahan nito na siya ang utak sa nagaganap na bentahan ng droga sa loob ng motel sa Antipolo City, kamakalawa ng hapon. Kinilala ang isinasangkot na pulis na si SPO3 Robert Alluigan ng Purok Silangan sa Brgy. Dela Paz. Ang nasabing pulis ay itinuro ng mga naarestong suspek na sina Danilo Lozano, 44, ng Purok Silangan, Brgy. Dela Paz at Dawn Nacional, 52, ng Purok Mapayapa  sa nasabing barangay. Ayon sa ulat, sina Lozano at Nacional ay nadakma sa loob ng motel matapos ang buy-bust operation. Sa tactical interrogation ng pulisya, ikinanta ng dalawa si SPO3 Alluigan ang sinasabing utak sa drug trade.