Head nurse, tinodas ng text mate
ABUCAY, Bataan, Philippines – Naging mitsa ng kamatayan ng isang head nurse ang pakikipag-eye ball nito sa dalawang lalaki, isa rito ay kaniyang ka-text mate matapos itong pagnakawan ay paslangin pa sa Brgy. Gabon ng bayang ito, ayon sa ulat kahapon.
Kinilala ang biktimang si Jessie dela Rosa, 30- anyos, binata, Emergency Room head nurse ng Isaac Catalina Medical Center (ICMC) at nakatira sa nasabing lugar na nagtamo ng 15 mga saksak sa iba’t ibang parte ng katawan.
Sa nakalap na report ng PSN, sinabi ni Jaime dela Rosa, ama ng biktima huling nakitang buhay ang kanyang anak alas-7 ng gabi noong Setyembre 7 na umalis ng kanilang bahay sakay ng motorsiklo kung saan nagpaalam ito na makikipagkita sa kaniyang text mate.
Dakong alas-8:45 ng gabi isang tricycle driver ang nakapansin sa biktima na duguang gumagapang at humihingi ng tulong na agad na ipinaalam sa Barangay Tanod ng Gabon.Isinugod ang biktima sa ICMC at bago ito nalagutan ng hininga, nasabi nito ang pangalan ng suspect na nakilalang si Willard Salvador alyas Wilson, 20, may kalive-in partner ng Barangay Laon. Sa isang follow-up operation ng Abucay PNP na pinamunuuan ni P/S Insp. Pepe Alindayo, naaresto ang suspect sa Layac Junction, Dinalupihan sa tulong ng kalive-in nito, matapos itong itext.
Nakuha mula sa suspek ang wallet, cellphone at ang motorsiklo ng biktima. Jonie Capalaran
- Latest
- Trending
