3 todas sa killer truck

MANILA, Philippines - Tatlo-katao kabilang ang magkapatid na lalaki ang ini­ulat na nasawi matapos na araruhin ng truck ang apat na sasakyan at bahay sa Sulvec Highway sa bayan ng Narvacan, Ilocos Sur kamakalawa.

Kinilala ang mag-utol na na­matay na sina Paulo delos Santos, 15; Christian Santos at si Melvin  Balsita.

Naisugod naman sa Gabriela­ Silang General Hospital sa Vigan ang mga sugatang sina Domingo Galvez, truck driver at Genaro Cabatu.

Sa ulat na nakara­ting sa Camp Crame, nasa im­pluwen­sya ng alak si Galvez nang banggain ng trak nito ang nakaparadang sasakyan kung saan nadamay ang tahanan ni Reynaldo Bau­tista, isa pang 6-wheeler Isuzu Elf truck ni Gre­gorio Dasmariñas at ang nakaparadang owner-type jeep ni Renato Aquino. Ina­min ni Galvez na hindi niya nakontrol ang manibela kaya naman inararo ang na­ka­pa­radang sasakyan na sa lakas ng pagkaka­bangga ay tumilapon ang tatlong nasawi.