Barangay chairman itinumba

TUGUEGARAO CITY, Philippines – Napaslang ang isang barangay chairman makaraang pagtulungang saksakin ng tatlong ‘di-kilalang lalaki sa bahagi ng Barangay Natapian sa bayan ng Solana, Cagayan kahapon ng madaling-araw. Nagawa pa ng biktimang si Chairman Domingo Palatattao na tumawag sa mga kaanak upang humingi ng saklolo at kilalanin ang mga suspek bago nalagutan ng hininga sa ospital. Ayon kay P/Chief Inspector Ramil Alipio hepe ng Solana PNP, lulan ng motorsiklo ang biktimang papauwi na mula sa pakikipag-inuman nang harangin at saksakin. Pansamantalang hindi muna ipinabatid ng pulisya ang mga pangalan ng suspek habang isinasagawa ang follow-up operation. Raymund Catindig at Victor Martin