2 estudyante todas sa road mishap

MANILA, Philippines - Dalawang estudyan­te ang iniulat na nasawi habang nasa kritikal namang kondisyon ang kaibigan ng mga ito matapos na aksidenteng sumalpok sa punongkahoy ang sinasak­yan ng mga itong behikulo sa lalawigan ng Isabela kamakalawa ng gabi.

Idineklarang dead-on- arrival sa Cauayan Medical Specialist Hospital sa Cauayan City ang mga biktimang sina Hermogenes Gaffud Jr. at Marvin Diang; pawang 19-anyos at kapwa estudyante sa isang pribadong kolehiyo sa lungsod.

Kasalukuyan namang isinasalba sa pagamutan ang sugatang biktima na si Jerric Marquez.

Sa ulat ng Isabela Police, bandang alas-10:30 ng gabi nang aksidenteng bumangga ang sinasakyan ng mga itong Sports Uti­lity Toyota Hi-Lux sa puno ng Gemelina sa tabi ng national road ng Brgy. Nappacu Pequeno. Isinasailalim pa ng mga awtoridad sa masusing imbestigasyon ang kasong ito.