Kano na-overdose sa gamot, dedo
Manila, Philippines - Pinaniniwalaang na-overdose sa pampalakas na tableta ang isang 52-anyos na Kano kaya nasawi sa loob ng inuupahan nitong apartelle sa Voyager Street, Barangay Doña Vicenta sa Davao City kamakalawa ng gabi.
Bandang alas-6:30 ng gabi nang matagpuan ng security guard na si Reyger Birondo ang bangkay ni David Harrison Lippmann, yoga instructor at misyonero, tubong Maryland, USA at pansamantalang nanunuluyan sa Door A-6, Mac Ville Apartelle.
Ayon kay SPO2 Nelson Ladua, huling namataan buhay ang biktima bandang alas-2 ng hapon kamakalawa.
Nabatid na sinamahan ni Pepito Algunas Mac, may-ari ng apartelle ang biktima sa Davao Doctor’s Hospital para magpa-checkup dahil sa pagdaing nito ng matinding sakit ng katawan noong Hulyo 1.
Narekober sa kuwarto ni Lippmann ang pakete ng pampalakas na tableta na posibleng na-overdose ang bitkima.
Nakuha rin sa pag-iingat ng biktima ang last will testament, P5,850, cell phone, US passport at medical records.
Magugunita na nasawi rin sa ag-inom ng pampalakas ng tableta ang sumisikat na 14-anyos na rugby boy na si Shaun Jones noong Oktubre 21, 2008 sa Rhydyfelin, Pontypridd, Wales.
- Latest
- Trending
