Lady trader kritikal sa ambush

CAVITE ,Philippines  — Nasa kritikal na kalagayan ang isang babaeng negosyante makaraang ratratin ng hindi pa nakikilalang suspect kahapon dito. Inoobserbahan sa pagamutan ang biktima na si Rosaline Regorgo, 45, ng Mangoville Brgy. Salitran 4, Dasmariñas City. Batay sa imbestigasyon ng pulisya naglalakad ang biktima ng bigla na lamang itong pagbabarilin ng suspek na sakay ng isang single motorcycle. Matapos bumulagta ay agad din namang tumakas ang salarin. Isinugod sa pagamutan ang biktima habang narekober ng pulisya sa pinangyarihan ng krimen ang 6 nabasyo ng cal 45. Patuloy pa rin ang isinasagawang imbestigasyon ukol dito.