Mister ginilitan ng mag-utol

NUEVA ECIJA, Philippines  – Napaslang ang isang 25-anyos na kawani ng pribadong kompanya makaraang pagtulungang gilitan ng magkapatid na lalaki sa loob sa Barangay Diversion sa bayan ng San Leonardo noong Linggo ng madaling-araw.

Nakilala ang napatay na si Allan Miguel ng Barangay Dolores sa bayan ng Sto. Domingo, Nueva Ecija. Na­dakip naman ang isa sa suspek na si Froilan Alcantara, 22, habang tinutugis ng pulisya si Manuel Alcantara na kapwa nakati­ra sa Barangay Diversion.

Nabatid na paalis na ang biktima at kaibigan nitong Jayson Ibanez, 18, mula sa videoke bar nang lapitan at gilitan ng dalawang suspek na sinasabing lango sa alak.