CAVITE, Philippines — Pinatay sa saksak ang isang 48-anyos na lalaki ng kanyang bunsong utol matapos magkapikunan sa biruan kamakalawa ng gabi sa bayan ng Magallanes, Cavite. Kinilala ng pulisya ang nasawi na si Eduardo Linezo, habang sumuko naman ang suspek na si Gregorio Linezo, 45, kapwa nakatira sa Brgy. Bendita sa nasabing bayan. Base sa ulat na nakarating kay P/Senior Supt. Danilo Maligalig, masayang nagbibiruan ang mag-utol nang mauwi sa pikunan hanggang sa magtalo. Dito na inundayan ng saksak ng suspek ang kanyang utol. Wala naman maibigay na dahilan ang suspek sa ginawang krimen.