Cafgu nilikida ng NPA

MANILA, Philippines - Napaslang ang bakasyunistang miyembro ng Civilian Armed Forces Geographical Unit (Cafgu) makaraang pagbabarilin ng mga rebeldeng New People’s Army (NPA) sa harapan ng kanyang misis at mga anak  sa Barangay Pamukid, sa bayan ng San Fernando, Camarines Sur noong Huwebes ng tanghali. Napuruhan sa ulo si Gino Olugar na nakatalaga sa Army’s 9th Infantry Division. Ayon kay 9th Infantry Division spokesman Major Harold Cabunoc, kababa lamang ng sasakyan ni Olugar kasama ang kanyang mag-iina nang lapitan at ratratin ng hit squad ng NPA. Base sa tala ng PNP at AFP, umaabot na sa 45-katao ang napatay ng NPA sa Kabikulan noong 2010  kabilang ang 8 Cafgu at 6-sundalo habang 6 miyembro naman ng pamilya ni Pedrito Bico ay pinatay din noong Pebrero 2011.