Mag-utol na wanted, tiklo

LOPEZ, QUEZON, Philippines  — Kulungan ang binagsakan ng isang magka­patid na kapwa wanted sa kasong panggagahasa at pagpatay matapos na maaresto sa kanilang hide-out sa Brgy. del Rosario ng bayang ito, kamakalawa.

Kinilala ng pulisya ang mga dinakip na sina Dennis Convocar, 27 at Ricky Convocar, 28, Number 7 at Number 12 sa talaan ng most wanted person sa Catanauan,Quezon.

Humingi ng tulong sa Lopez Police ang Cata­nauan Police upang ares­tuhin ang magkapatid  sa bisa ng ipinalabas na Warrant of Arrest ni Hon. Judge Aurora Roman at  Hon. Judge Adolfo Enco­mienda; pawang Regional Trial Court ng Gumaca kaugnay sa mga kasong rape at homicide.

Walang inirekomendang piyansa ang korte sa paglaya ng magka­patid na ngayon ay nakapiit na sa himpilan ng pulisya ng Catanauan,Quezon.