Mag-utol nagpatayan sa mana

MANILA, Philippines - Pinaniniwalaang mamanahing lupaing sinasaka ang isa sa motibo kaya binaril at napatay ang isang 59-anyos na magsasaka ng kanyang nakababatang kapatid na lalaki sa Barangay Barangcalan, Calagna-an Island sa bayan ng Carles, Iloilo kamakalawa ng umaga. Napuruhan sa ulo si Kagawad Cesar Lacson habang naaresto naman ang suspek na si Romeo Lacson, 57, kapwa nakatira sa nabanggit na barangay. Lumilitaw naman sa imbestigasyon na matagal ng may namamagitang alitan sa magkapatid kaugnay sa minanang lupang sinasaka mula sa kanilang mga magulang.