Holdaper todas sa pulis

CAVITE, Philippines  – Isa sa tatlong holdaper ng pampasaherong jeepney ang napatay makaraang makipagbarilan sa mga alagad ng batas kamakalawa ng gabi sa kahabaan ng Paliparan-Molino Road sa Barangay Salawag, Dasmariñas City, Cavite. Hindi naman nakilala ang pagkakakilanlan ng napatay na holdaper habang sugatan naman ang isa sa limang pasahero ng jeepney na si Jocelyn Toribio matapos masaksak sa naganap na holdap. Lumilitaw na hinoldap ng tatlong kalalakihan ang limang pasahero ng jeepney (DXN 448) ni Arnold Meniao bago nagsibaba tangay ang hindi nabatid na halaga. Gayon pa man, nakasalubong at nakabarilan ng tatlo ang nagpapatrolyang sina PO1 Sherwin Ilagan at PO2 Ace Paredes hanggang sa mapatay ang isa sa tatlo.