Anak minartilyo sa ulo ni tatay
KIDAPAWAN CITY, Philippines – Malungkot sa Kapaskuhan ang sasalubong sa isang pamilya makaraang martilyuhin at mapatay ang isang anak na lalaki ng sariling ama noong Lunes ng gabi sa Barangay Tuael sa bayan ng President Roxas, North Cotabato.
Lumilitaw sa pagsisiyasat ng pulisya na magkasamang nag-inuman ng alak ang mag-amang sina Roberto at Nel Andres kung saan matapos malango ay kapwa umuwi bandang alas-11 ng gabi.
Napag-alamang nagtalo ang mag-ama sa loob ng kanilang tahanan kung saan nagwala ang anak na lalaki dahil na rin sa pagkalango sa alak.
Gayon pa man,hindi na napigilan ang galit ng ama na senglot na rin kaya minartilyo nito ang anak sa ulo ng ilang ulit.
Isinugod sa New Cebu District Hospital bago inilipat sa Kidapawan Medical Specialist Center ang biktima subalit namatay din dahil sa pagkabasag ng bao ng ulo.
- Latest
- Trending
