ZAMBALES, Philippines - Umaabot sa P10 milyon ang natangay ng mga miyembro ng Acetylene Gang makaraang looban ang sangay ng Bank of the Philippine Islands sa Barangay Zone 3 Poblacion sa bayan ng Iba, Zambales noong Lunes ng madaling-araw.
Batay sa report ni P/Senior Inspector Gilbert C. Diaz, hepe ng pulisya, tumagal lamang ng ilang minuto ang panloloob ng nabanggit na grupo. Lumilitaw sa ulat nina P/Insp. Ponce Penones at PO3 James Quevedo, natagpuan ang malalim na hukay patungong banko mula sa boarding house na pag-aaari ng pamilya ni SPO1 Benedicto Basmayor.
Posibleng hindi alam ng pamilya Basmayor na ang umupa sa kanilang boarding house ay mga miyembro ng gang.
Natagpuan ang ibat’ ibang gamit ng gang para makapasok sa nabanggit na banko.