3 Bukas-Kotse Gang arestado

LIPA CITY, Philippines  – Tatlo-katao na pinaniniwalaang mga miyembro ng Bukas-Kotse Gang ang nasakote ng pu­lisya sa Lipa City, Batangas kamakalawa. Pormal na kinasuhan ni P/Supt. George Dadulo, hepe ng Lipa PNP ang mga suspek na sina Miller Coyme ng Barangay Mayamot, Anti­polo City; Roben Casino ng Barangay Sico, Lipa City at si Marita Napili ng Ba­rangay Mayahan, Pasig City.

Naaresto ang mga sus­pek matapos makunan ng CCTV camera ang plate number ng kanilang sa­sakyan habang ninanaka­wan ang kotse sa harap ng restaurant sa nabanggit na lungsod.

Sa follow-up operation, natiyempuhan ang mga suspek sakay ng Tamaraw FX (PWX-569) na naka­parada sa harap ng bowling­ center habang nag-aabang ng mga kot­seng mabi­ biktima. Dumagsa ang mga complainant sa Lipa PNP na pawang biktima noong nakaraang mga araw.