MANILA, Philippines - Napatay ang isang bagitong pulis matapos pagbabarilin at tangayin pa ang sinasakyang motorsiklo ng mga armadong lalaki sa national highway ng Barangay Manuangan, sa bayan ng Pigcawayan, North Cotabato kamakalawa ng umaga. Kinilala ang napaslang na si PO1 Jerald Golez Albay, nakatalaga sa himpilan ng pulisya sa bayan ng Matanog at idineklarang patay sa Libungan Hospital.
Naganap ang krimen sa gitna na rin ng mahigpit na pagpapatupad ng Comelec gun ban kaugnay ng Barangay at Sangguniang Kabataan (SK) elections sa Oktubre 25.