Kuya tinodas ng bunso

CAMP SIMEON OLA, Legazpi City, Philippines —Dahil sa matagal ng alitan ng mag­kapatid isang nakaka­tandang kapatid ang pi­nagtatataga ng kanyang bunsong kapatid kamaka­lawa ng hapon sa P-3, Barangay Kiwalo, Da­raga­, Albay.

Nakilala ang biktima na hindi na umabot pa ng buhay sa pagamutan na si Erwin Enejosa, 30, binata habang ang sus­pek na nakatakas na­ man ay ang nakaka­batang kapatid nitong si Ryan, 28.

Batay sa ulat ng pulis­ya, dakong ala-1:00 ng ha­pon kamakalawa ng bigla na lamang sugurin ng taga ng suspek ang kanyang kapatid.

Napag-alaman na ang dalawa ay may matagal ng alitan sa loob ng kanilang bahay hanggang sa bigla na lamang na mag-amok ang bunso at tinaga ang kanyang kuya.