Ina ng GF baby hawak na ng NBI

BAGUIO CITY, Philippines — Di­nala na sa Maynila ng mga operatiba ng National Bureau of Investigation sa Tuguegarao City ang isang 30-anyos na ina ng sanggol na inaban­dona sa basura­han ng ero­plano noong Ling­go sa isinagawang operas­yon sa bayan ng Flora sa Apayao kahapon ng uma­ga.

Ayon kay P/Senior Supt. Nestor Bergonia, kusa na­mang sumama si Alma Dag­gadan Estrelle ng Barangay Anninipan sa NBI patu­ngong Manila para magpali­wanag sa gina­wang pag-abandona sa kanyang anak.

Si Estrelle na sinasa­bing nanganak habang lulan ng Gulf Air ay naki­lala ng mga awtoridad sa Ninoy Aquino International Airport matapos re­kisahin ang passenger manifest.

Pinangalanang “George Francis” ang sanggol mula sa flight code GF (Gulf Air), matapos matagpuan ng cleaner ang sanggol na ina­bandona sa garbage bag sa loob ng eroplano na lumapag mula sa Bah­rain noong Linggo ng umaga.

Napag-alaman din na isinulat ni Estrelle ang kanyang pangalan, date of birth at numero ng pa­saporte sa immigration ar­rival card, subalit bina­kante ang address portion para hindi matunton ang kan­yang tirahan.

Ika-80 pasahero si Estrella sa nag-check-in sa flight sa Bahrain kung saan may bakas pa ng dugo ang kan­ yang upu­ang 40D.