LBC van hinaydyak sa Quezon

CAMP VICENTE LIM, Laguna, Philippines  — Natangay ng mga armadong lalaki ang ‘di-pa mabatid na halaga at ari-arian matapos hay­dyakin ang van ng LBC sa bahagi ng Sitio Amao sa Ba­rangay Silangan Malic­boy sa bayan ng Pagbilao, Quezon kahapon ng ma­daling-araw.

Kinilala ni PO3 Allan Falqueza, officer-on-case ng Pagbilao PNP ang mga biktimang sina Leonel An­fone, 27, ng Dasmari­ñas, Cavite; Rommel Banal at si Marcos Mabeza, kap­wa residente ng Camarines Sur at mga kawani ng LBC Express Delivery.

Base sa police report, binabagtas ng van ang highway sa Old Zigzag road nang biglang mapa­hinto dahil sa nakaharang na troso bandang alas-4:30 ng madaling-araw.

Kasunod nito, sampung maskaradong kalalaki­hang armado ang lumu­tang kung saan hindi na nakapalag pa ang mga bik­timang lulan ng van.

Matapos tangayin ang mga gamit at pera, agad na ikinulong sa loob ng van ang mga biktimang igina­pos ang mga kamay at paa.

Nakalabas lamang ang mga biktima nang marinig ang kanilang mga sigaw ng mga dumaraang residente kaya agad na nai-report sa pulisya ang insidente.