Court sheriff utas sa ambush

CAVITE, Philippines  — Dead-on-the-spot ang isang court sheriff ma­karaang ambusin ito ng mga hindi pa nakikilalang sus­pek na armado ng ma­iksing baril sa kahabaan ng Coastal Bay Subdivision, Brgy. San Rafael 4, Noveleta ng lalawi­gang ito, kama­kalawa ng tanghali. 

Sa ulat na nakalap sa tanggapan ni Cavite Provincial Director Sr. Supt. Danilo Maligalig, ang biktima ay nakilalang si Hernan Rode­las, 44 , biyudo, court sheriff sa RTC ng Cavite City at na­katira sa San Isidro, Brgy. Lig­tong 2, Rosario ng nasa­bing lalawigan.

Batay sa ulat, naganap ang insdente alas -12:10 ng tanghali habang ang biktima ay sakay ng kanyang motor­siklo na Honda Wave Motorcycle (OO-7274) galing sa kanyang trabaho. Habang binabaybay ng biktima ang nasabing lugar ay lingid sa kanyang kaalaman may nag aabang na sa kanyang da­da­anan. Inaalam pa ng pu­lis­­ya ang motibo ng mga sus­pek at kung ito ay may kaug­nayan sa kanyang trabaho.