Bus hulog-bangin: 4 patay, 19 sugatan

QUEZON, Philippines  — Hindi pa man nakakabangon ang bansa sa dilema na idinulot ng sunud-sunod na road mishap na kinasasang­ku­tan ng mga bus, isa na na­mang trahedya ang na­ga­nap kung saan apat-katao ang nasawi habang 19-iba pa ang nasugatan maka­ra­ang mahulog ang pampa­sa­herong bus sa bangin sa New Diversion Road, Si­tio Amao, Baran­gay Sila­ngang Malicboy sa bayan ng Pagbilao, Que­zon, ka­hapon ng madaling-araw.

Kasalukuyan pang ina­a­l­am ng pulisya ang pagka­kakilanlan ng mga nasawi habang ginagamot naman sa Jane County Hospital at MMG Hospital sa Lucena City ang iba pang nasu­gatan.

Sa inisyal na imbes­ti­gas­yon ni PO2 Erickson Ha­chaso, dakong alas-2:30 ng madaling-araw nang mahulog sa may 30 metrong lalim na bangin ang CUL bus line (TWV 912) ni Oscar Yadawon, 36.

Ayon sa ulat, aabot sa 39 pasahero kabilang ang dray­ber at operator ng bus nang maganap ang sa­kuna.

Napag-alamang patu­ngong Cubao, Quezon City mula Tacloban City nang mawalan ng preno ang bus sa zigzag road at mag­tuluy-tuloy sa bangin.

Patuloy naman ang rescue operation ng pinag­sanib na operatiba ng pu­lisya, Provincial Disaster Co­ordination Council (PD­CC), DPWH-4th Engineering District para makilala ang mga biktima.