Dancing inmate tinodas ng kakosa

MANILA, Philippines - Dahil sa pagtangging mag-practice sa pamosong dancing inmate, isang preso ang pinagtulungang bugbugin ng kaniyang mga kakosa sa Cebu Provincial Jail, ayon sa ulat kahapon.

Kasalukuyang nagsa­sagawa ng imbestigasyon ang Cebu Provincial Detention and Rehabilitation Center kaugnay sa pagka­matay ni Angelito Cabal­guinto na nagtamo ng ma­lalim na sugat sa ulo noong Miyerkules.

Ikinatwiran naman ng mga kasamahan nitong preso na nawalan ng ba­lanse si Cabalquinto ha­bang nagsasampay ito ng damit kaya nabagok ang ulo nang bumagsak pero ayon naman sa ibang preso na nakakulong sa ibang selda ay pinagtu­lungan itong gulpihin.

Sinasabing tumangging magpraktis ang biktima para sa dancing inmate kung saan napabantog ang CPDRC kaya pinagtulu­ngan itong kuyugin ng mga nairitang kakosa.

Nabatid na kabilang sa mga pinasikat ng mga dancing inmate na mapa­panood sa YouTube web­site at naipalabas na rin sa telebisyon ay ang mega hit Thriller ni Michael Jackson.