12-anyos nadale ng meningo

BULACAN, Philippines — Maagap ang mga opisyal ng lokal na pamahalaan para ma­pigil ang posibleng pagka­lat ng meningococcemia sa San Jose Del Monte City mata­pos mapaulat na isang 12-anyos na lalaki ang namatay sanhi ng nasabing sakit.

Gayon paman, sinabi ni Dr. Joycelyn Gomez, ang provincial public health officer ng Bulacan hindi pa rin tiyak kung meningococcemia nga ang iki­namatay ng batang mag-aaral mula sa Nieto Elementary School sa Ba­rangay Muzon.

Nagsagawa ng disinfection at fogging bukod sa pagbibigay ng gamot sa mga taong nakasalamuha ng biktima.

Nagsagawa rin ng information campaign sa mga residente para sa pagpa­pa­natili ng kalinisan sa ka­tawan at kapaligiran upang maiwa­san ang pagka­ka­sakit.

Samantala, nagsi­mu­lang magkasakit ang bik­tima noong Agosto 9 mata­pos lagnatin kung saan nakadalo pa ng klase ngu­nit pagka­raan ng ilang araw ay sumuka ito ng plema at dugo kaya’t isi­nugod sa East Avenue Medical Center.

Noong Agosto 11, inili­pat ang bata sa San Lazaro Hospital kung saan ito ay nama­tay, at noong Sabado ay na-cremate ang mga labi nito. Sa opisyal na medical result, lumilitaw na shock sanhi ng meningococcemia ang ikinamatay ng bata.