Mag-ina minasaker

BULACAN, Philippines — Kalunus-lunos na kamatayan ang sinapit ng mag-ina maka­raang pagbabarilin sa loob ng kanilang bahay sa Ba­rangay Muzon sa San Jose Del Monte City, Bulacan kamakalawa ng hapon.

Tig-anim na bala ng baril ang tumapos sa bu­hay nina Martina Merino, biyuda; at anak nitong si Do­mingo Reyes 36, kapwa tubong Naga City, Cama­rines Sur. Samantalang tugis naman ng pulisya ang kapitbahay ng mag-ina na itinuturing na suspek na si Reynaldo Soplasa.

Base sa ulat ni P03 Menandro Policarpio, nag­papahinga sa loob ng ka­nilang bahay ang mag-ina nang sipain ni So­pla­sa ang pintuan ng mga biktima.

Dito na umalingaw­ngaw ang sunud-sunod na pu­ tok ng baril bago tuma­kas ang suspek.

Pinaniniwalaang may kinalaman sa matagal na alitan kaugnay sa lupaing pinag-aagawan sa na­banggit na barangay.