Total log ban ikinasa

BAYOMBONG, Nueva Vizcaya, Philippines — Ikinasa na ang total log ban sa Isabela matapos magpalabas ng kautusan si Gover­nor Faustino “Bojie” Dy III.

Sa ipinalabas na executive order no. 04 ng gobernador, ang total log ban lamang ang so­lusyon upang mapatigil ang pagpupuslit at pagpuputol ng mga punongkahoy sa kabun­dukan lalo na sa nasasa­kupan ng Sierra Madre.

Isa rin itong paraan upang maputol na ang mga haka-hakang ipinupukol ng na­karaang administrasyon kay Dy na sinasabing may kinala­man sa logging activities ng na­banggit na lalawigan. Dahil dito, inatasan ni Governor Dy ang Department of Environment and Natural Resources (DENR) na agad ipatupad ang total log ban na magiging ngipin ng mga aw­toridad upang wakasan na ang pro­blema sa illegal logging. Pina­pabusisi rin ni Dy ang mga malalaking logging company na nagsasagawa ng mala­wakang pangangahoy gamit ang nakuhang pahintu­lot mula sa DENR.