BULACAN, Philippines – Kalaboso ang dalawang lalaki na pinaniniwalaang nagpapakalat ng bawal na droga makaraang maaresto ng pulisya sa buy-bust operation sa Brgy. Pulo sa bayan ng San Rafael, Bulacan kamakalawa ng gabi. Kinilala ni P/Supt. Rodolfo Hernandez, ang mga suspek na sina Darwin Cababat, 31, ng Brgy. Maronquillo at Randy Basa 37, ng Brgy. Pulo sa bayan ng San Rafael. Nasamsam sa mga suspek ang ilang gramo ng shabu, P1,000 marked money at Toyota Corolla (TLK-584) na ginagamit sa iligal na operasyon. Pormal naman kakasuhan ang mga suspek habang nakakulong.