SUV ng ama ni Derek Ramsey kinarnap

MANILA, Philippines - Bumanat muli ang no­toryus na carnapping syndicates matapos tangayin ang mamahaling sasak­yan ng ama ng actor/mo­del na si Derek Ramsey sa harapan ng kanilang taha­nan sa Tagaytay City, Cavite kamakalawa.

Sa ulat na tinanggap kahapon ni PNP Chief Director General Jesus Ver­zosa, naganap ang insi­dente sa harapan ng bahay ni Derek Ramsey Sr. bandang alas-3 ng hapon.

Kasalukuyang bumu­buhos ang ulan habang papalabas ng gate ng ta­hanan ng pamilya Ramsey ang itim na Volvo XC90 T-6 SUV na may plakang ZAX-887 nang tutukan ng baril ng dalawang arma­dong lalaki ang drayber ni Ramsey Sr.

Nabatid na pinababa ito at kinomander ang SUV ni Ramsey Sr.

Ayon sa ilang naka­saksi, ang dalawang sus­pek ay lulan ng kulay gold na Sedan na umaligid sa harapan bago inagaw ang sasakyan.

Nanawagan naman ang nakatatandang Ram­sey sa mga concerned ci­ti­zen na sinuman ang ma­ka­kita sa kanyang Volvo ay agad itong ipaalam sa mga kinauukulang ahen­sya ng pamahalaan.