MANILA, Philippines - Isa na namang kaso ng kidnaping ang naitala sa Tacurong City sa Sultan Kudarat kung saan tinangay ng mga armadong lalaki ang isang 48-anyos na negosyante sa kahabaan ng Dona Alicia Street kamakalawa. Bandang alas-4:16 ng hapon ng kidnapin si Abdulnasser Ayada ng Barangay Damalusay sa bayan ng Datu Paglas, Maguindanao. Sa police report na nakarating sa Camp Crame. Lulan ng Toyota Hi-Ace (ZMS 197) ang biktima nang harangin ng mga armadong lalaki na lulan naman ng puting van. Patuloy naman ang follow-up operation ng mga awtoridad para masagip ang biktima.