Ex-mayor nakaligtas sa ambush

MANILA, Philippines – Isang dating mayor ng Maguindanao ang nakalig­tas matapos itong pagba­barilin ng hindi nakilalang mga armadong kalalakihan sa Brgy. Poblacion, President Roxas, Sultan Ku­darat nitong Biyernes. Kinilala ang nakaligtas na target na si dating Datu Blah Sinsuat Mayor Datu Ibrahim Manot. Batay sa report na na­karating sa Camp Crame, naganap ang insidente sa Poblacion ng President Roxas, Sultan Kudarat ban­­dang alas-11:45 ng tanghali. Ayon sa imbestigasyon, kasalukuyang minama­neho ni Manot ang kani­yang kulay itim na Toyota Grandia van patungong Buluan, Ma­guindanao ng maganap ang pana­nam­bang. Nabatid na patungong mosque sa bayan ng Bu­luan ang biktima nang harangin ang behikulo nito ng mga armadong lalaki saka pina­putukan ang kanilang target na si Manot. Sa nasabing insidente ay masuwerteng hindi nasu­gatan si Manot at ang mga sakay nito sa kani­yang behikulo. Isina­sailalim pa ng mga awtoridad sa masusing im­bestigasyon ang kasong ito.