Bayaw tinodas dahil sa kapirasong lupa

SAN MIGUEL, Bulacan, Philippines — Dahil sa pinag-aawa­yang kapirasong lupa ay naga­wang patayin ng isang lalaki ang kanyang sariling bayaw sa Brgy. Bulualto sa bayang ito kahapon ng umaga.

Kinilala ang biktima na si Anselmo Tuazon, 60, may-asa­wa, magsasaka at resi­dente ng Sitio Malinao, Brgy. Bulualto habang ti­nutugis na ang suspek na si Fernando Estanislao magsasaka at residente ng Brgy. Bal­war­te, Gapan City, Nueva Ecija na tu­makas matapos ang pa­mamaslang.

Ayon sa imbestigasyon ng pulisya dakong alas 6:35 ng umaga habang nakiki­pag-usap ang bik­ tima sa iba pa niyang kap­wa magsa­saka sa bisini­dad ng kani­lang bahay sa lugar ay biglang dumating ang sus­pek.

Agad binunot ng suspect ang dala nitong cal .45 caliber pistol saka pinapu­tukan ng tatlong beses ang biktima na nagresulta sa pagka­matay nito habang lumilitaw naman na alitan sa lupa ang motibo ng krimen.