BULACAN, Philippines – Napisak ang isang 16-anyos na estudyante makaraang mahagip ng trak sa gilid ng highway sa Barangay Minuyan sa bayan ng Norzagaray, Bulacan kahapon ng madaling-araw.
Kinilala ni P/Supt.Bruno Viola Jr. ang namatay na si Denmark Dave Venselo ng Sagrada St.sa nabanggit na barangay habang naaresto naman ang drayber ng trak na si Danny De Los Santos, 32, ng Brgy.San Mateo.
Nabatid na ipaparada na sana ng biktima ang kanyang motorsiklo (CK 9778) sa harapan ng karinderya sa Villarama Highway para kumain nang mahagip ng trailer truck (CTR-583). Pormal naman kinasuhan ang drayber habang nakapiit.