RIZAL , Philippines — Isa na namang pulis ang iniulat na napaslang matapos na pakipagbarilan sa mga miyembro ng sindikato ng drug den sa bisinidad ng Lupang Arenda, sa bayan ng Taytay, Rizal, kamakalawa ng tanghali.
Aabot sa 15-bala ng baril ang tumama sa katawan ni PO2 Hector Sabile, 32, ng intelligence unit ng Taytay PNP kung saan idineklarang patay sa Pasig City General Hospital. Nakaligtas naman ang dalawang kasamahang pulis na sina PO2 Hector Carvinales at PO2 Abigail Belmonte.
Sa ulat ng Rizal Provincial Police Office, Lumilitaw na nagsasagawa ng paniniktik ang tatlong pulis sa Brgy. Sta. Ana kaugnay sa mga ulat na ginagawang drug den ng sindikato. Subalit namukhaan sila ng mga miyembro ng sindikato kaya sumiklab ang barilan hanggang sa mapuruhan ang biktima.