Gunrunner, huli sa entrapment

KAMPO ALEJO SAN­TOS, Malolos City , Philippines  — Ares­tado sa isinagawang entrapment operation ng pulisya ang isang 39 anyos na lalaki na pinani­niwa­laang nagpa­pakalat ng mga iligal na baril sa isang lugar sa Brgy.San Pedro sa bayan ng Bustos kama­kalawa ng gabi.

Personal na inaresto ni PC/Insp.Julius Caesar Mana ng CIDG-Bulacan ang suspek na si Enrico De Gracia, walang trabaho at residente ng na­turang lugar makaraang ibi­gay ang mga inaalok na mga baril sa mga operatiba.

Base sa imbestigasyon dakong alas-9:00 ng gabi ay nakipagkita ang suspek sa mga operatiba sa isang lugar sa Barangay San Pedro upang iaalok ang baril na umano’y kanyang pag-aari na isang Armscor Shotgun na may pitong bala, isang Llama 9mm pistol na may 15 bala at magazine at isang cal. 38 revolver na paltik na may anim na bala.

Nagtagal ng ilang san­dali ang negosasyon sa pagbili ng mga baril sa halagang P17,000 at nang mag­kasundo ay agad na hinana­pan ni Mana ng lisensya si De Gracia sa mga inaalok na mga gamit at ng walang maipakita ay dito na nagpa­kilala ang pulisya na nag­resulta sa pagkaka­aresto ng suspek at nasam­sam din ang mga iligal na baril.

Nahaharap sa ka­song P.D.1866 as am­mend­ed by R.A. 9156 at Omnibus Elec­tion Code si De Gracia na kasalu­kuyang naka­detine sa piitan ng CIDG sa Ma­lolos City habang ina­alam pa rin kung kasapi ng isang sindikato ang sus­pek. Boy Cruz