CAVITE, Philippines — Napaslang ang isang 28-anyos na katiwala ng palaisdaan makaraang barilin ng kasamahan sa trabaho sa Barangay Poblacion sa bayan ng Kawit, Cavite kamakalawa.
Napuruhan sa ulo si Joseph Mendoza ng Libis ng Nayon, Pugad Baboy, Wakas 2 habang tugis naman ng pulisya ang suspek na si Samson Tanyag, 26, ng Brgy. Palasan, Sta. Rosa, Laguna.
Lumilitaw na tiyempuhan ang biktima na natutulog sa barung-barong at isinagawa ng suspek ang pamamaslang. May teorya ang pulisya na away sa trabaho ang pinagmulan ng krimen.